ಮತ್ತಮಿಲ್ಲಿ ಕಕಾರಾದಿ ಕ್ಷಕಾರಾಂತವಾದ ಮೂವತ್ತೈದಕ್ಕರಂಗಳಲ್ಲಿ
ಪ್ರತ್ಯೇಕವಾಗಿ ಒಂದೊಂದಕ್ಕೆ ಪದಿನಾರು ಸ್ವರಾಕ್ಷರಂಗಳಂ
ಕೂಡಲಾಗಿವೈನೂರರುವತ್ತಕ್ಷರಂಗಳಾದವು.
`ಕ್ಷಿತೌ ಷಟ್ಟಂಚಾಶತ್' ಎಂದು
ಪೃಥ್ವೀತತ್ವದಲ್ಲಿ ಐ [ವತ್ತಾ] ರಕ್ಕರವು,
`ದ್ವಿಚತುರಧಿಕ ಪಂಚಾಶದುದಕೇ'ಯೆಂದು
ಆಪ್ತತ್ವದಲ್ಲಿ ಐವತ್ತೆರಡು,
`ಹುತಾಶೆ ದ್ವಾಷಷಿ*'ಯೆಂದು, ಅಗ್ನಿತತ್ವದಲ್ಲಿ ಅರುವತ್ತೆರಡು,
`ಚತುರಧಿಕ ಪಂಚಾಶದನಿಲೇ'ಯೆಂದು
ವಾಯುತತ್ವದಲ್ಲಿ ಐವತ್ತನಾಲ್ಕು,
`ದಿವಿ ದ್ವಿಷಟ್ತ್ರಿಂಶತ್' ಎಂದು ಆಕಾಶತತ್ವದಲ್ಲಿ ಎಪ್ಪತ್ತೆರಡು,
`ಮನಸಿ ಚತುಷ್ಪಷಿ*' ಎಂದು ಮನಸ್ತತ್ವದಲ್ಲಿ ಅರುವತ್ತನಾಲ್ಕು,
ಅಂತು ಮುನ್ನೂರರುವತ್ತು
ಚೌಷಷಿ*ಕಲಾತತ್ವವ [ರುವ] ತ್ತನಾಲ್ಕು,
ಕ ಎ ಇ ಲ ಹ್ರೀಂ ಹ ಸ ಕ ಹ ಲ ಹ್ರೀಂ ಸ ಕ ಲ ಹ್ರೀ ಶ್ರೀ
ಯೆಂದು ಪದಿನಾರು,
ಅಂತು ಬ್ರಹ್ಮರಂಧ್ರದ ಸಹಸ್ರದಳದಲ್ಲಿ ಸಹಸ್ರಾಕ್ಷರವೆಂದು
ತಿಳಿಪಿದೆಯಯ್ಯಾ, ಪರಶಿವಲಿಂಗಯ್ಯ.