ಇವರೆಲ್ಲರ ಕಂಡು ನಾನವಳಿಗೆ ಹೋಗಲಾಗಿ,
ಕುಳ್ಳಿರುವುದಕ್ಕೆ ಮೊದಲೆ ಒದ್ದಳೆನ್ನ
ಬಾಯ ಹಲ್ಲು ಮುರಿಯಿತ್ತು. ಗಲ್ಲಮೊಡೆಯಿತ್ತು
ನಾಲಗೆ ಉಡುಗಿತ್ತು. ಇನ್ನಿವಳ ಗೊಡವೆ ಬೇಡ
ಆತುರವೈರಿ ಮಾರೇಶ್ವರಾ.

ಇರೆಯೆಂದಡೆ ಕೈಮುಂಚಿಯಲ್ಲದೆ ಗಾಯವಿಲ್ಲ.
ಅರಿಯೆಂದಡೆ ಮನನಿಶ್ಚೆ ೈಸಲ್ಲದೆ ಜ್ಞಾನಿಯಲ್ಲ
ಮರನ ಕಡಿವುದಕ್ಕೆ ಪ್ರವೇಷಿ*ಸಿದ ಮೆಳೆಯ ಕಡಿದಲ್ಲದೆ ಆಗದು.
ಆಗಮದ ಯುಕ್ತಿಯಿಂದ ಬೋಧಕನಹನಲ್ಲದೆ ಅನಾಗತವನರಿಯ.
ಅದ ಭೇದಿಸಬೇಕು, ಆತುರವೈರಿ ಮಾರೇಶ್ವರಾ.