ಜ್ಞಾತೃವಿನಲ್ಲಿ ಇಷ್ಟಲಿಂಗಕಳೆ, ಜ್ಞೇಯದಲ್ಲಿ ಭಾವಲಿಂಗಕಳೆ,
ಭಾವದಲ್ಲಿ ಪ್ರಾಣಲಿಂಗಕಳೆ.
ತ್ರಿವಿಧದಲ್ಲಿ ಹೆರೆಹಿಂಗದರಿಯಬೇಕು,
ಏಣಾಂಕಧರ ಸೋಮೇಶ್ವರಲಿಂಗದಲ್ಲಿ
ಪ್ರಾಣಲಿಂಗಸಂಬಂಧಿಯಾಗಬಲ್ಲಡೆ.

ಜಾಗ್ರದಲ್ಲಿ ಕಂಡಿರವ ಸ್ವಪ್ನದಲ್ಲಿ
ಸುಖ ದುಃಖಾದಿಗಳು ತೋರಿದಾಗ
ಅಲ್ಲಿ ಆವ ಲಿಂಗಕ್ಕೆ ಅರ್ಪಿತ ಭೇದ ?
ಸ್ಥೂಲದಲ್ಲಿ ಕಂಡು, ಸೂಕ್ಷ್ಮದಲ್ಲಿ ಅರಿದು
ಕಾರಣದಲ್ಲಿ ಭಾವಿಸುವ ಲಿಂಗ ಆವುದೆಂದರಿಯಬೇಕು.
ಏಣಾಂಕಧರ ಸೋಮೇಶ್ವರಲಿಂಗದಲ್ಲಿ
ತಾನರಿದು ಲಿಂಗವನರಿಯಬೇಕು.