ಲ ಪದದಿಂದ ಪ್ರಾರಂಭವಾಗುವ ವಚನಗಳು:
ಲಕ್ಷವ ನೋಡಿದರೇನಯ್ಯ? ಲಕ್ಷವ ಹೇಳಿದರೇನಯ್ಯ?ಲಕ್ಷವ ಕೇಳಿದರೇನಯ್ಯ? ಲಕ್ಷವ ಮಾಡಿದರೇನಯ್ಯ?ಲಕ್ಷ ನಿರ್ಲಕ್ಷ ತಾನಾದ ಮೇಲೆ ಸಾಕ್ಷಾತ ವಸ್ತುಮಯ ತಾನೇ ನೋಡಾಝೇಂಕಾರ ನಿಜಲಿಂಗಪ್ರಭುವೆ.
ಲೋಕ ಲೌಕಿಕದ ರಂಜನೆಗಳಿಲ್ಲದನಿರಂಜನಲಿಂಗದಲ್ಲಿ ಸನ್ಮತನಾಗಿ ಇರಬಲ್ಲ ಮಹಾತ್ಮಂಗೆ,ಇಹಲೋಕವೆಂದಡೇನಯ್ಯ?ಪರಲೋಕವೆಂದಡೇನಯ್ಯ?ಅಲ್ಲಿದ್ದಂಥ ಅಪರಂಪರ ಮಹಾಮಹಿಮನಿತ್ಯ ನಿರಾಕುಳ ತಾನೇ ನೋಡಾಝೇಂಕಾರ ನಿಜಲಿಂಗಪ್ರಭುವೆ.
ಲೋಕ ಲೌಕಿಕಂಗಳಿಲ್ಲದಂದು,ಕುಲ ಛಲಂಗಳಿಲ್ಲದಂದು,ಹಮ್ಮು ಬಿಮ್ಮುಗಳಿಲ್ಲದಂದು,ದೇಹ ನಿರ್ದೇಹಗಳಿಲ್ಲದಂದು,ಪ್ರಾಣ ನಿಃಪ್ರಾಣಂಗಳಿಲ್ಲದಂದು,ಇವೇನೇನೂ ಇಲ್ಲದಂದು, ನಿಷ್ಕಲಲಿಂಗ ತಾನೇ ನೋಡಾಝೇಂಕಾರ ನಿಜಲಿಂಗಪ್ರಭುವೆ.
ಲಿಂಗವೇ ತಾನಾಗಿ, ತಾನೇ ಲಿಂಗವಾಗಿ,ಹಿಂಗದೆ ಪ್ರಣಮಪಂಚಾಕ್ಷರಿಯ ಜಪಿಸಿ,ಮಂಗಳ ಪ್ರಭೆಯಲ್ಲಿ ಕೂಡಿ,ನಿಃಸಂಗಿ ನಿರಾಳನಾದ ನೋಡಾಝೇಂಕಾರ ನಿಜಲಿಂಗಪ್ರಭುವೆ.
ಲಕ್ಷವ ನೋಡಿದರೇನಯ್ಯ? ಲಕ್ಷವ ಹೇಳಿದರೇನಯ್ಯ?ಲಕ್ಷವ ಕೇಳಿದರೇನಯ್ಯ? ಮೋಕ್ಷಾರ್ಥ ಉಂಟೇನಯ್ಯ?ಸಾಕ್ಷಾತ್ ಶಿವಜ್ಞಾನವಾದ ಶರಣನು ತಾನೇ ಮೋಕ್ಷಾರ್ಥ ನೋಡಾಝೇಂಕಾರ ನಿಜಲಿಂಗಪ್ರಭುವೆ.
ಲಿಂಗದ ನೆನಹಿನಿಂದ ಮಂಗಳಪ್ರಭೆಯ ನೋಡಿ,ಸಂಗಸಂಯೋಗದಲ್ಲಿ ನಿಂದು,ನಿರಂಗವಾದನಯ್ಯ ನಿಮ್ಮ ಶರಣನುಝೇಂಕಾರ ನಿಜಲಿಂಗಪ್ರಭುವೆ.
ಲಿಂಗಸೌಖ್ಯದಲ್ಲಿ ಪರಿಪೂರ್ಣವಾದ ಶರಣನ ಅಂತರಂಗದಲ್ಲಿಕಾಮಮೋಹಾದಿಗಳುಂಟೇನಯ್ಯ?ಭ್ರಾಂತಿಸೂತಕ ಉಂಟೇನಯ್ಯ?ಹಮ್ಮು ಬಿಮ್ಮುಗಳುಂಟೇನಯ್ಯ ?ತಾಮಸ ತಮಂಧಗಳುಂಟೇನಯ್ಯ ?ಇಂತಿವಕ್ಕೆ ಸಿಲ್ಕದೆ ನಿತ್ಯನಿರಾಳಲಿಂಗದಲ್ಲಿಸುಖಿಯಾಗಿರ್ದನಯ್ಯ ನಿಮ್ಮ ಶರಣನುಝೇಂಕಾರ ನಿಜಲಿಂಗಪ್ರಭುವೆ.