ರ ಪದದಿಂದ ಪ್ರಾರಂಭವಾಗುವ ವಚನಗಳು:
ರುದ್ಥಿರದಲ್ಲಿ ಆಚಾರಲಿಂಗವಿಹುದು.ಮಾಂಸದಲ್ಲಿ ಗುರುಲಿಂಗವಿಹುದು.ಮೇದಸ್ಸಿನಲ್ಲಿ ಶಿವಲಿಂಗವಿಹುದು.ಅಸ್ಥಿಯಲ್ಲಿ ಚರಲಿಂಗವಿಹುದು.ಮಜ್ಜೆಯಲ್ಲಿ ಪ್ರಸಾದಲಿಂಗವಿಹುದು.ಶುಕ್ಲದಲ್ಲಿ ಮಹಾಲಿಂಗವಿಹುದು ನೋಡಾ.ಇದಕ್ಕೆ ಈಶ್ವರ್ದೋವಾಚ :``ಆಚಾರಂ ರುದ್ಥಿರಾಂಗೇತು ಮಾಂಸಾಂಗೇ ಗುರುಲಿಂಗಕಂ |ಮೇಧಾಂಗೇ ಶಿವಲಿಂಗಂ ಚ ಅಸ್ಥ್ಯಂಗೇ ಚರಂ ತಥಾ ||ಮಜ್ಜೇ ಪ್ರಸಾದಲಿಂಗಂ ಚ ಶುಕ್ಲಾಂಗೇ ಮಹಾಲಿಂಗಕಂ |ಇತಿ ಲಿಂಗಸ್ಥಲಂ ಜ್ಞಾತುಂ ಸುಸೂಕ್ಷ್ಮಂ ಶ್ರುಣು ಪಾರ್ವತೀ ||''ಇಂತೆಂದುದಾಗಿ,ಅಪ್ರಮಾಣಕೂಡಲಸಂಗಮದೇವಾ.
ರೇಚಕ ಪೂರಕಮಂ ಬಿಟ್ಟು ಕುಂಭಕವಾಗಿಆ ಕುಂಭಕದೊಳು ಸುಸ್ಥಿರವಾಗಿನಿಂದಡಾತನೆ ಪರಮಯೋಗಿ.ಆತನೆ ದಿವ್ಯಯೋಗಿ.ಇದಕ್ಕೆ ಶ್ರುತಿ :`ಕುಂಭಕಂ ಪರಮಂ ಪದಂ'ಇಂತೆಂದುದಾಗಿ,ಅಪ್ರಮಾಣಕೂಡಲಸಂಗಮದೇವಾ.
ರೂಪಿಲ್ಲದ ಪುಸ್ತಕದ ಬರಹವಕಣ್ಣಿಲ್ಲದ ಕುರುಡನು ಕಂಡು ತೋರಿದನು,ಬಾಯಿಲ್ಲದ ಮೂಗನು ಓದಿದನು,ಕಿವಿಯಿಲ್ಲದ ಕಿವುಡ ಕೇಳಿ ಪರಿಣಾಮಿಸಿದ,ತಲೆಯಿಲ್ಲದ ಮೋಟನು ನಿಶ್ಚೈಯಿಸಿದನೆಂದುನೆಲೆಯಿಲ್ಲದವ ಹೇಳಿದನು ನೋಡಾಅಪ್ರಮಾಣಕೂಡಲಸಂಗಮದೇವಾ.
ರೇಚಿಸಿ ರೇಚಿಸಿ ಪೂರಿಸಲುವಾಯು ಆಶ್ರಯವಂ ಕಂಡುಆ ವಾಯು ಕುಂಭಕವಾಗಿ ನಿಂದುತುಂಬಿ ತುಳುಕದಿಹುದು ನೋಡಾಅಪ್ರಮಾಣಕೂಡಲಸಂಗಮದೇವಾ.